عم بتوجّع بدي قول بس في نفس مخطوف ما عم يسمحلي. بعتقد في عضمة بجسمي مش إلي. بعتقد إنك تركتا معي بغير زمان ونسيت. بس شفتك صرخت العضمة. عرفت صاحبا. أنا ما فهمت شو صار. وجعني جسمي كتير. بس ما فهمت شو صار. يمكن إنت ما تركتا عن قصد. يمكن إنت حطيتا عندي تا تلاقيني. بس إنت، عرفت تسكّت عضمتك المشقوفة. فلقيتني وما عرفت. أنا شقفتي انوجعت. لقتك.. وحكيت. بس ما فهمت. ما فهمت كيف عرفتك وضيّعتك ولقيتك وما عرفتك وما عرفتني. حآخد مسكّن ألم لبين ما تتذكر. حسكّت العضمة لبين ما تزورك الذاكرة. عجلي الزيارة.. النفس عم يختنق.. والوجع بيقتل.
حين تخُطُّ الشّفاه